זכריה 1:19 - Masoretic Text 1524

¹⁹ (2:2) ואמר אל המלאך הדבר בי מה אלה ויאמר אלי אלה הקרנות אשׁר זרו את יהודה את ישׂראל וירושׁלם׃

זכריה 1:19 הפניות הצלבה

מלכים א 22:11

ויעשׂ לו צדקיה בן כנענה קרני ברזל ויאמר כה אמר יהוה באלה תנגח את ארם עד כלתם׃

עזרא 4:1

וישׁמעו צרי יהודה ובנימן כי בני הגולה בונים היכל ליהוה אלהי ישׂראל׃

עזרא 4:4

ויהי עם הארץ מרפים ידי עם יהודה ומבלהים אותם לבנות׃

עזרא 4:7

ובימי ארתחשׁשׂתא כתב בשׁלם מתרדת טבאל ושׁאר כנותו על ארתחשׁשׂתא מלך פרס וכתב הנשׁתון כתוב ארמית ומתרגם ארמית׃

עזרא 5:3

בה זמנא אתא עליהון תתני פחת עבר נהרה ושׁתר בוזני וכנותהון וכן אמרין להם מן שׂם לכם טעם ביתא דנה לבנא ואשׁרנא דנה לשׁכללה׃

תהלים 75:4

(75:5) אמרתי להוללים אל תהלו ולרשׁעים אל תרימו קרן׃

תהלים 75:5

(75:6) אל תרימו למרום קרנכם תדברו בצואר עתק׃

ירמיה 48:25

נגדעה קרן מואב וזרעו נשׁברה נאם יהוה׃

דניאל 12:7

ואשׁמע את האישׁ לבושׁ הבדים אשׁר ממעל למימי היאר וירם ימינו ושׂמאלו אל השׁמים וישׁבע בחי העולם כי למועד מועדים וחצי וככלות נפץ יד עם קדשׁ תכלינה כל אלה׃

דניאל 7:16

קרבת על חד מן קאמיא ויציבא אבעא מנה על כל דנה ואמר לי ופשׁר מליא יהודענני׃

עמוס 6:13

השׂמחים ללא דבר האמרים הלוא בחזקנו לקחנו לנו קרנים׃

חבקוק 3:14

נקבת במטיו ראשׁ פרזו יסערו להפיצני עליצתם כמו לאכל עני במסתר׃

זכריה 1:18

(2:1) ואשׂא את עיני וארא והנה ארבע קרנות׃

זכריה 1:21

(2:4) ואמר מה אלה באים לעשׂות ויאמר לאמר אלה הקרנות אשׁר זרו את יהודה כפי אישׁ לא נשׂא ראשׁו ויבאו אלה להחריד אתם לידות את קרנות הגוים הנשׂאים קרן אל ארץ יהודה לזרותה׃

זכריה 1:9

ואמר מה אלה אדני ויאמר אלי המלאך הדבר בי אני אראך מה המה אלה׃

זכריה 2:2

(2:6) ואמר אנה אתה הלך ויאמר אלי למד את ירושׁלם לראות כמה רחבה וכמה ארכה׃

זכריה 8:14

כי כה אמר יהוה צבאות כאשׁר זממתי להרע לכם בהקציף אבתיכם אתי אמר יהוה צבאות ולא נחמתי׃